Bwletin Fast Track Cymru - Tachwedd 2025

Wythnos Profi HIV Cymru: 17–23 Tachwedd 2025

Mae Wythnos Profi HIV Cymru ar y gorwel, ac mae Fast Track Cymru yn falch iawn o barhau i bartneru â Iechyd Cyhoeddus Cymru ar yr ymgyrch bwysig hon.

Cymru yw, hyd y gwyddom, Cenedl Gyflym Gyntaf y Byd (World’s First Fast Track Nation), ac fe fyddwn ni’n annog pawb ledled Cymru i wybod eu statws drwy gael prawf am ddim ac yn gyfrinachol.

Drwy gydol yr wythnos, bydd Fast Track Cymru yn:
• Gynnal digwyddiadau ymgysylltu cymunedol ledled Cymru
• Hyrwyddo opsiynau profi hygyrch, gan gynnwys profion post ac yn y gymuned
• Cysylltu â’r cyfryngau a rhanddeiliaid amrywiol ynghylch profi HIV

Byddem wrth ein bodd pe gallech ein cefnogi drwy rannu ein negeseuon, hyrwyddo profi yn lleol, yn rhanbarthol ac yn genedlaethol, a chymryd rhan yn y sgwrs ar-lein gan ddefnyddio #HIVTestingWeekWales ac #FastTrackCymru.

Mae’r Pecyn Cymorth i Randdeiliaid yn cael ei ddiweddaru’n barhaus ac fe fydd hynny’n parhau dros yr wythnosau nesaf. Yn y cyfamser, gallwch weld yr adnoddau am ddim sydd ar gael i’w defnyddio ar unwaith yma: Wales HIV Testing Week 2025
Rydym yn eich annog i’w cynnwys yn eich cyfryngau cymdeithasol ac i rannu’r wybodaeth hanfodol hon ar draws eich rhwydweithiau personol a phroffesiynol.

Data HIV Newydd i Gymru

Mae’r ffigurau diweddaraf, a gyhoeddwyd ar 5 Tachwedd 2025, yn dangos cynnydd sylweddol mewn profi ac ostyngiad sydyn yn nifer yr achosion newydd o HIV yng Nghymru. Mae hyn yn arwydd clir bod ein hymdrechion ar y cyd yn gwneud gwahaniaeth gwirioneddol.
Darllenwch fwy am y canfyddiadau yma: Drop in new HIV cases amid record HIV testing, prevention and treatment in Wales - Public Health Wales

Mae’n galonogol gweld bod defnydd o brofion a PhReP wedi cynyddu, tra bod trosglwyddiadau newydd o HIV ar y dirywiad. Fodd bynnag, mae llawer o waith eto i’w wneud i ehangu mynediad at PhReP, codi ymwybyddiaeth, a mynd i’r afael â’r stigma sy’n dal i fodoli ynghylch HIV yng Nghymru ac ymhellach.

Fel yr unig elusen sy’n seiliedig yng Nghymru sy’n canolbwyntio ar HIV a chyflyrau cysylltiedig, mae Fast Track Cymru, drwy ein cydweithrediadau rhanbarthol a chenedlaethol, yn ymdrechu i wneud cynnydd ystyrlon ac rydym yn falch o fod wedi cyfrannu at y data calonogol a ryddhawyd yr wythnos ddiwethaf.

Mae’r cynnydd hwn yn amlygu effaith ein partneriaethau a’n buddsoddiad parhaus mewn atal, addysg ac adnabod cynnar. Diolch i bawb sy’n cyfrannu at y llwyddiant anhygoel hwn.

Adnoddau RSE a Chystadleuaeth Gelf

Peidiwch ag anghofio bod ein hadnoddau Addysg Perthnasoedd a Rhyw (RSE) a’n cystadleuaeth gelf genedlaethol bellach yn fyw! Maent wedi’u cynllunio i helpu ysgolion, gweithwyr ieuenctid ac addysgwyr i ddarparu addysg gynhwysol, addas i oedran, ac ysbrydoledig am HIV.

Gallwch archwilio’r adnoddau a dysgu mwy am y gystadleuaeth yma:
https://fasttrackcymru.wales/hiv-rse/

Rhowch wybod amdanynt yn eang ar draws eich rhwydweithiau addysg a gwasanaethau ieuenctid; mae eich cyfranogiad yn helpu i sicrhau bod gan bob person ifanc yng Nghymru fynediad at addysg am HIV sy’n gywir ac yn gynhwysol.

Dyddiad cau’r Gystadleuaeth Gelf yw Dydd Gwener 14 Tachwedd, felly mae dal amser i gyflwyno ceisiadau!

Derbyniad Diwrnod Rhyngwladol HIV/AIDS yn y Senedd – 2 Rhagfyr 2025

Byddwn yn cynnal ein Derbyniad Diwrnod Rhyngwladol HIV/AIDS yn y Senedd ddydd Mawrth 2 Rhagfyr. Bydd y digwyddiad hwn yn dod ag arweinwyr, partneriaid ac eiriolwyr o bob cwr o Gymru ynghyd i fyfyrio ar ein cynnydd ac i adnewyddu ein hymrwymiad ar y cyd i roi terfyn ar stigma ac achosion newydd o HIV.

Am ragor o wybodaeth, anfonwch e-bost at: fasttrackcities@hiv.wales

Diolch

Fel bob amser, diolch o galon am eich partneriaeth barhaus ac ymrwymiad. Peidiwch ag oedi i gysylltu os hoffech bartneru â ni ar ddigwyddiad, rannu syniad, neu os gallwn gynnig cymorth neu hyfforddiant i chi a’ch rhwydweithiau. 

Gyda chofion caredig,
Tîm Fast Track Cymru
fasttrackcities@hiv.wales